...SİA xəbər verir ki, AFP agentliyinin verdiyi məlumata görə, aktyor Corc Kluni, həyat yoldaşı, insan haqları fəalı Amal Kluni və iki uşağı Fransa vətəndaşlığını alıblar.
2021-ci ildə ailə Fransanın cənubundakı Brignoles kəndi yaxınlığındakı Domaine de Canadel şərab mülkünü satın alıb. Klunilər həmçinin İtaliya və İngiltərədə malikanələrə, Nyu-Yorkda mənzilə və Kentukkidə mülkə sahibdirlər.
Dekabrın əvvəlində Kluni RTL-ə verdiyi müsahibədə Fransadakı evinin "özümüzü ən xoşbəxt hiss etdiyimiz yer" olduğunu bildirib.
64 yaşlı aktyor etiraf edib ki, “400 günlük dərsdən sonra hələ də yaxşı danışmasam da, fransız mədəniyyətini, sizin dilinizi sevirəm”.
O, həmçinin uşaqlarının paparassilərin diqqətindən qorunduğunu da qeyd edib.
Oktyabr ayında Esquire jurnalına verdiyi müsahibədə o, uşaqlarını Los-Ancelesdə, "Hollywood mədəniyyətində" böyütmək istəməyəcəyini bildirib.
Beynəlxalq hüquq üzrə ekspert və WikiLeaks-in qurucusu Julian Assanjın müdafiə vəkillərindən biri olan Corc və Amal Kluni 2014-cü ildə Venesiyada evləniblər.
2017-ci ildə cütlüyün əkizləri Aleksandr və Ella dünyaya gəlib.
Kluni iki “Oskar” mükafatı qazanıb: 2006-cı ildə çəkilmiş "Siryana" filmində ən yaxşı ikinci dərəcəli aktyor və 2012-ci ildə çəkilmiş "Arqo" trillerinin prodüseri kimi...
Nazlı Almuradova
Bütün xəbərlər Facebook səhifəmizdə
USD
EUR
GBP
RUB
