...Sony Pictures şirkəti “Qara geyinmiş kişilər” franşizasının beşinci hissəsini hazırlayır. Studiya Hollivud ulduzu Uill Smiti geri qaytarmağı planlaşdırır. Aktyor Agent J rolunu yenidən canlandırmaq üçün danışıqlar aparır.
SİA xəbər verir ki, bu barədə Far Out Magazine yazır.
Qarşıdan gələn filmin süjeti hazırda gizli saxlanılır, lakin əvvəllər "Həyat üçün pis oğlanlar" filmində çalışmış Kris Bremnerin ssenarini yazdığı məlumdur.
Ssenari ilkin versiyası hazır olduqdan sonra Smitə veriləcək. Onun personajı artıq ilkin süjetə daxil olub, baxmayaraq ki, onun baş rol və ya ikinci dərəcəli rol olacağı hələlik məlum deyil.
Mənbələr aktyorun yalnız ssenarini oxuduqdan sonra son qərarı verəcəyini bildirir.
Smitin geri dönüşü çox ehtimal olunur. Bremner onun iştirak etdiyi layihələrin əsas ssenari müəllifinə çevrilib.
Sony bu yaxınlarda "Pis oğlanlar" filminin yenidən başlaması ilə böyük uğur qazanıb - son iki film dünya miqyasında 837 milyon dollardan çox gəlir əldə edib.
İlk "Qara geyinmiş kişilər" filmi 1997-ci ildə nümayiş olunub və qlobal hitə çevrilib.
Daha sonra 2002 və 2012-ci illərdə davam filmləri çəkilib. 2019-cu ildə Tessa Tompson və Kris Hemsvortun rol aldığı "Qara geyimli kişilər: Beynəlxalq" adlı spin-off filmi tənqidçilərdən müsbət rəylər aldı. Əgər Uill Smit müqavilə imzalasa, beşinci hissə əfsanəvi franşizanın köklərinə tam bir qayıdış ola bilər.
Nazlı Almuradova
Bütün xəbərlər Facebook səhifəmizdə
USD
EUR
GBP
RUB