Azərbaycan Respublikası Mədəniyyət Nazirliyi və Laçın rayonunda Prezidentin xüsusi nümayəndəliyinin təşkilatçılığı ilə Laçın şəhərində “MDB-nin mədəniyyət paytaxtı – 2025” ilinin bağlanış mərasimi münasibətilə tədbirdə iştirak edən qonaqlar üçün şəhər gəzintisi təşkil olunub. SİA xəbər verir ki, qonaqların Laçın ilə tanışlığı "Hoçazfilm" yaradıcılıq studiyası - Qarabağda unikal çoxşaxəli yaradıcılıq məkanının yaradılmasına yönəlmiş layihə ilə başlayıb.
Bildirib ki, studiyanın adı Laçın rayonunun əsas rəmzlərindən sayılan Hoçaz qayalıqlarının götürülüb. Studiya film istehsalçılarına bölgənin zəngin təbiəti, imkanları ilə bağlı bələdçilik və lokasiya xidmətləri göstərəcək, onları müvafiq avadanlıqla təmin edəcək.
Qonaqlar pavilyonda quraşdırılmış - təyyarə, helikopter, həbsxana, elmi laboratoriya və yaşıl ekranda üçtərəfli konstruksiyalara baxış keçiriblər.
Daha sonra qonaqlar “Gilabi Ceramics” Yaradıcılıq Mərkəzində olublar.
Qonaqlar Laçın şəhəri azad edildikdən sonra açılan ilk mədəni-bədii məkan olan “Yurd Gallery” ilə tanış olublar.
İştirakçılara qalereya barədə ətraflı məlumat verilib. Bildirilib ki, “Yurd Gallery”nin yaradılması Qarabağ bölgəsinin bərpası və mədəni dirçəliş strategiyasının mühüm hissəsidir. Qonaqlar qalereyada nümayiş olunan ekspozisiyalara baxıblar.
Mərkəzdə istehsal olunan məhsullar həm Laçın, həm də bütün Qarabağ üçün xarakterik olan tariximizin və mədəniyyətimizin elementlərini əks etdirir. Qeyd edək ki, burada çalışan rəssamlardan bəziləri yerli sakinlərə bu sənəti öyrətmək üçün Bakıdan dəvət olunublar.
Bütün xəbərlər Facebook səhifəmizdə
.jpg "Ramiz Mehdiyevə arxalanan Məmurlar Kimlərdir? - İÇİMİZDƏKİ QURDLAR!")
USD
EUR
GBP
RUB