...Hollivud ulduzu Conni Depp etiraf edib ki, karyerasının lap əvvəlindən o, digər aktyorlardan fərqlənməyə çalışıb. Aktyor onun özünəməxsus üslubunu, dünya görüşünü formalaşdıran insanlardan danışıb.
SİA-nın əldə etdiyi məlumata görə, bu barədə Far Out Magazine yazır.
...Məni heç kimə bənzəməyən real insanlardan - komediyaçılardan, aktyorlardan, müğənnilərdən ilham aldım. Onlar Çarli Kallas, Don Rikle, Foster Bruks, Din Martin, Marlon Brando idi. Onlar öz yollarını düzəldiblər və bu, mənim üçün hər şeydir.
Bunu Depp deyib.
O deyir ki, indiki nəsil nümunə kimi “tamamilə bənzərsiz insanlar”sız böyüyür. Əksinə, çoxları ona yad olan şöhrəti öz xatirinə axtarır.
…Bu, heç vaxt mənim məqsədim olmayıb,-deyə aktyor vurğulayıb.
İlham verənlər siyahısında komediyaçılar xüsusi yer tutur. Rikle hazırcavab zarafatları ilə məşhurlaşdı, Bruks cazibədar sərxoş obrazı yaratdı, Kallas isə aktyorluğu caz həvəsi ilə birləşdirdi, Buddi Riçvə Tommi Dorsey kimi əfsanələrlə çıxış etdi.
Depp həmçinin kumirlərindən biri olan Marlon Brando ilə işləmək təcrübəsini xatırlayır.
Onlar Deppin özünü mifik qəhrəman hesab edən bir adamı, Brandonun isə onun psixiatrını canlandırdığı "Don Juan DeMarco" (1994) romantik komediyasında birlikdə rol alıblar.
Bu layihə gənc aktyor üçün dəyərli dərs oldu. Qalmaqallara və şəxsi həyatındakı çətin dövrlərə baxmayaraq, Depp özünün əsas prinsipinə sadiq qalır: özü olmaq.
...Mən heç kimə bənzəmək istəmirəm, - deyə o, yekunlaşdırıb.
Nazlı Almuradova
Bütün xəbərlər Facebook səhifəmizdə
_(1).jpg)
.jpg "ŞOK: Cabir İmanova DÜŞMƏN ÇIXAN MÜXALİFƏTÇİLƏR!")
USD
EUR
GBP
RUB