...Bred Pitt, Jaklin Feniks və Runi Mara kimi Hollivud ulduzları tunisli qadın rejissor Kauser Ben Hania-nın “Hind Rəcəbin səsi” filminin Venesiya Film Festivalında nümayişinə dəstək veriblər.
SİA-nın məlumatına görə, bu barədə Arab News yazır.
Qeyd edək ki, film 2024-cü ilin yanvarında 6 yaşlı fələstinli qız Hind Rəcəbin bir neçə qohumu ilə birlikdə İsrail əsgərləri tərəfindən öldürüldüyü faciəli hadisələri canlandırır.
Ailə avtomobillə Qəzzanı tərk etmək istəyərkən öldürülüb. Filmin süjeti Hind Rəcəb və ona kömək göndərmək üçün qızı mümkün qədər uzun müddət xətdə saxlamağa çalışan Qırmızı Xaç könüllüləri arasında söhbətə əsaslanır.
Lakin onların cəhdləri uğursuz alınır.
Qeyd edək ki, Ben Hania kino dünyasında sənədli fakt və fantastikanı qarışdırmaq bacarığı ilə tanınır.
Onun “Dörd qız” filmi “Oskar” mükafatına namizəd olub, digər filmi “Dərisini satan adam” filmi də tənqidçilərdən yüksək qiymət alıb.
Venesiyada nümayiş etdirildikdən sonra “Hind Rəcəbin səsi” filmi Toronto Beynəlxalq Film Festivalında Şimali Amerika tamaşaçılarına təqdim olunacaq.
Nazlı Almuradova
Bütün xəbərlər Facebook səhifəmizdə
USD
EUR
GBP
RUB