"Amivantamab" adlı eksperimental xərçəng peyvəndi bəzi xəstələrdə şişlərin tamamilə aradan qaldırılmasına səbəb olan misli görünməmiş nəticələr göstərib.
SİA-nın xarici mətbuata istinadən verdiyi xəbərə görə, dərmanın beynəlxalq sınaqları 11 ölkədə aparılıb və inyeksiya şişin təkrarlanması olan və ya digər müalicələr nəticəsiz qaldıqda xəstələrə vurulub. Sınaqlar zamanı dərman baş və boyun xərçəngi olan 102 xəstəyə vurulub. Bu xərçəng növü dünyada altıncı ən çox yayılmış xərçəng növüdür. Qırx üç xəstədə şişin kiçilməsi və ya tamamilə yox olması müşahidə olunub. Bunlardan 28-də şişin əhəmiyyətli dərəcədə kiçilməsi, 15-də isə tamamilə aradan qaldırılıb.
Tədqiqatçılar bildiriblər ki, Amerika şirkəti Johnson & Johnson tərəfindən hazırlanmış və hər üç həftədən bir venadaxili damcı yolu ilə deyil, dəri altına inyeksiya yolu ilə tətbiq edilən dərman ağciyər xərçəngi xəstələrində oxşar nəticələr göstərib.
Dərmanın tətbiqi xərçəngi üç yolla hədəf alır. O, həm şişin böyüməsini təşviq edən bir protein olan epidermal böyümə faktoru reseptorunu (EGFR), həm də xərçəng hüceyrələrinin terapiyadan yayınmaq üçün tez-tez istifadə etdiyi MET siqnal yolunu bloklayır. Bundan əlavə, dərman immun sistemini aktivləşdirir və şişə hücum etməyə kömək edir.
Lətifə Abdıyeva
Bütün xəbərlər Facebook səhifəmizdə
.jpg)
USD
EUR
GBP
RUB