...Ağ Evin Ukrayna ilə bağlı ritorikasında son vaxtlar dəyişikliyə baxmayaraq, ABŞ-ın bundan sonra Ukraynayönümlü mövqe tutacağı ehtimalı azdır.
SİA-nın əldə etdiyi məlumata görə, bunu "Radio NV"nin efirində Ukraynanın keçmiş xarici işlər naziri Vladimir Oqrızko deyib.
...Bu, müəyyən yaxşı siqnal ola bilər, amma mən düşünmürəm ki, şampan şərabının tıxacını açıb hər yerdə və hər gün içməliyik. Sabah biz Trampdan nəsə açıqlama verəcəyini gözləyirik. Məncə, o, sadəcə olaraq dəstəyini bir az da artırmaq istədiyini nümayiş etdirəcək, Ukraynaya kömək edəcək(?), Rusiyanın hücumlarını dəf edəcək(?). Ola bilsin ki, o, Bialov administrasiyasından və Konqresdən qalan bir neçə milyard proqramdan istifadə edə bilsin. O deyəcək ki, əgər Ukraynaya bu qədər silah lazımdırsa, mən onları Ukraynaya deyil, avropalılara satmağa hazıram və qoy avropalılar onlarla nə istəsələr, etsinlər...
...Oqrızkonun fikrincə, bu, Ukrayna ilə münasibətlərdə köklü dəyişikliklərin başlanması demək deyil.
...Tramp Rusiya ilə dostluq etmək üçün həddən artıq sərmayə qoyub. Mənə elə gəlir ki, bu, daha çox taktiki oyun, Putinə pis bir şey edə biləcəyimi, ona zərər verə biləcəyimi nümayiş etdirmək kimi olacaq.
...Oqrızko qeyd edib ki, Rusiyanın xarici işlər naziri Sergey Lavrovun Putindən Trampa ABŞ dövlət katibi Marko Rubio vasitəsilə Rusiya diktatorunun İrandan imtina etməyə hazır olduğunu bildirən, lakin öz növbəsində Amerikanın Ukraynadan imtina etməsini tələb edən təklifi çatdırdığını qeyd edib.
...Bu cür şeylər, bilirsiniz,.. mübadilədir. Bunun nə ilə nəticələnəcəyini bilmirik. Amma düşünürəm ki, Trampın həqiqətən nə etmək istədiyini və Rusiyaya qarşı bu addımların nə dərəcədə ciddi olacağını öyrənmək üçün iyulun 14-nə (guya Tramp söz verib... iyulun 14-də nəsə edəcək..?-A.B.) qədər gözləyəcəyik.
Bunu da ekspert əlavə edib.
Əli Babayev
Bütün xəbərlər Facebook səhifəmizdə
USD
EUR
GBP
RUB