Neft İxrac Edən Ölkələr Təşkilatının (OPEC) analitikləri ABŞ-ın idxal tarifləri ilə bağlı ticarət müharibələrinin artması fonunda qlobal neft tələbatının artımı ilə bağlı proqnozlarını aşağı salıblar.
SİA-nın məlumatına görə, bu barədə Bloomberg təşkilatın hesabatına istinadən xəbər verir.
ABŞ və Çin arasında artan ticarət və iqtisadi qarşıdurma fonunda qlobal neft tələbində artım proqnozu aşağı salınıb. Ağ Evin rəhbəri Donald Tramp Çindən gətirilən məhsullara idxal rüsumlarını 145 faizə qaldıraraq, sonuncu üçün böyük məsuliyyət daşıyır.
Vaşinqton və Pekin arasında ticarət müharibəsi, ekspertlərin gözlədiyi kimi, qlobal xammal istehlakının həcminə mənfi təsir göstərə bilər.
Bu fonda kartel 2025 və 2026-cı illərdə qlobal neft tələbatının artımı ilə bağlı təxminini gündə təxminən 100 000 barel azaldaraq 1,3 milyona endirib.
Bundan əvvəl OPEC OPEC+ xammal sazişində iştirak edən səkkiz ölkə arasında (Rusiya, Səudiyyə Ərəbistanı, İraq və Qazaxıstan da daxil olmaqla) mövcud məhdudiyyətlərin aradan qaldırılmasını sürətləndirmək üçün razılıq əldə edildiyini bildirmişdi.
Bu ölkələrin may ayında aprel ayı ilə müqayisədə gündəlik 411 min barel çox hasil edəcəyi gözlənilir. Bu qərar neftin qlobal qiymətlərinin sürətlə aşağı düşməsi fonunda qəbul edilib.
OPEK hasilatı artırmaqla vəziyyəti sabitləşdirmək istəyir. Bir sıra sənaye ekspertləri, o cümlədən Amerikanın “Goldman Sachs” investisiya bankının analitikləri qlobal bazarda gərginliyin artması səbəbindən qlobal neft qiymətləri ilə bağlı proqnozlarına yenidən baxıblar. Ən böyük maliyyə institutlarından birinin ekspertləri 2025-ci il üçün Brent markalı Şimal dənizi xam neftinin qiyməti ilə bağlı proqnozlarını bir barel üçün 63 dollara endiriblər. Onlar gündəlik qlobal neft tələbinin cəmi 300.000 barel artacağını gözləyirlər.
Əgər ABŞ və Çin arasında ikitərəfli gömrük maneələri yumşalsa, vəziyyət dəyişə bilər, lakin hazırda belə bir ssenarinin reallaşma ehtimalı azdır.
Əli Babayev
Bütün xəbərlər Facebook səhifəmizdə
USD
EUR
GBP
RUB