…Bu arada “Forbes” milyarderlərin yenilənmiş dünya reytinqində əvvəllər rus hesab edilən 24 sahibkarı digər ölkələrin nümayəndələri kimi qeyd edib.
SİA-nın məlumatına görə, belə düzəlişlər adətən iş adamlarının öz xahişi ilə edilir.
“The Moscow Times”-ın hesablamalarına görə, bu milyarderlərin ümumi sərvəti təxminən 110 milyard dollardır.
Belə ki, Alfa Group-un həmtəsisçisi Aleksey Kuzmiçev (7,5 milyard dollar) Fransadan olan milyarder, Alfa Bank-ın keçmiş prezidenti Petr Aven (4,7 milyard dollar) Latviyanı təmsil edir, İnteko investisiya və tikinti korporasiyasının təsisçisi Yelena Baturina (1,3 milyard) hazırda Böyük Britaniyadan olan biznesmendir, “Lukoyl”un keçmiş vitse-prezidenti Leonid Fedun (10,4 milyard) Monako ilə, “Akron”un səhmdarı Vyaçeslav Kantor (9,5 milyard) isə İsraillə əlaqədədir. Yandex-in həmtəsisçisi Arkadi Voloj (1,2 milyard) və Rambler Group-un keçmiş həmtəsisçisi Aleksandr Mamut (1,4 milyard) da İsraili təmsil edir.
…2025-ci il reytinqində ölkəni dəyişən milyarderlərin əksəriyyəti indi İsveçrənin nümayəndələri kimi görünür: Mixail Proxorov (10,7 milyard), Yeqor Kulkov (4,1 milyard), Vladimir və Nikolay Fartuşnyak (1,9 və 1,5 milyard), Aleksandr Mixalski (1,3 milyard), Oleq Boyko (1,5 milyard), Andrey Rappoport (1,2 milyard), Yuri Şefler (1,1 milyard)…
Digər dəyişikliklər: Andrey Melniçenko (17,4 milyard) hazırda BƏƏ, Əlişir Usmanov (16,7 milyard) Özbəkistan, Qavril Yuşvayev (1,9 milyard) İsrail, Mişel Litvak (2,5 milyard) - BƏƏ, Sergey Lomakin (1,2 milyard) - Kipr, Qleb Fetisov (1,3 milyard) - Kipr, Artem Xaçatryan (1,6 milyard) - Kipr, Dmitri Rıbolovlev (6,4 milyard) - Monako. Denis Ştenqelov (1,4 milyard) indi Avstraliya ilə bağlıdırlar.
Rusiyalı milyarderlər arasında vətəndaşlığın dəyişmə tendensiyası Ukraynada müharibə başlayandan, Rusiya pasportunun sanksiyalara görə Qərbdə biznes fəaliyyəti üçün ciddi maneəyə çevrilməsindən sonra xeyli artıb. Ən azı altı milyarder, o cümlədən Revolut-un həmtəsisçisi Nikolay Storonski, Freedom holdinqinin sahibi Timur Turlov və DST Global investisiya şirkətinin təsisçisi Yuri Milner də daxil olmaqla, Rusiya vətəndaşlığından rəsmən imtina ediblər.
Əli Babayev
Bütün xəbərlər Facebook səhifəmizdə
.jpg)
USD
EUR
GBP
RUB