Türkiyə Silahlı Qüvvələrinin (TSQ) Qarsda təşkil etdiyi “Qış Təlimi-2025” davam edir. SİA bu barədə Türkiyə saytlarına istinad edir.
3-cü Ordu Komandanlığı və 9-cu Korpus Komandanlığının nəzarəti və rəhbərliyi altında 14-cü Mexanikləşdirilmiş Piyada Briqada Komandanlığı tərəfindən Şəhid İstehkam Zabit Baş Çavuş İlhan Hamlı Atış və Təlimdə sahəsində həyata keçirilən "Qış Təlimi-2025" yanvarın 20-də başlayıb.
Milli Müdafiə Nazirliyi, Baş Qərargah, Quru Qoşunları Komandanlığı, Dəniz Qüvvələri Komandanlığı, Hərbi Hava Qüvvələri Komandanlığı və Xüsusi Təyinatlı Qüvvələr Komandanlığı, mülki dövlət qurum və təşkilatları ilə Türkiyədən 12 min, ABŞ, Azərbaycan, Banqladeş, Bosniya və Herseqovina, Gürcüstan, İtaliya, Kosovo, Pakistan, Qazaxıstan, Şimali Makedoniya, Bolqarıstan, Fransa, İngiltərə, Liviya, Monqolustan, Niger, Tacikistan və İordaniyadan 199 olmaqla ümumilikdə 12.199 personal iştirak edir.
Təlim zamanı minaatan atəşi, axtarış-xilasetmə, birləşmiş əməliyyatlarda əməkdaşlıq və koordinasiyanın təmini, bölmələrin döyüş vərdişlərinin yoxlanılması, atəşin sinxronizasiyası və manevr, geyim və dəstək kimi əsas məsələlər üzrə təlim və tədbirlər həyata keçirilir.
Bütün xəbərlər Facebook səhifəmizdə
USD
EUR
GBP
RUB
