Budanov: Bu, sadəcə bir möcüzə olacaq...

Ukrayna Prezidenti Aparatının rəhbəri müharibənin yanvarın 1-nə qədər başa çatması şanslarını dəyərləndirib...
Budanov: Bu, sadəcə bir möcüzə olacaq...

...Ukrayna Prezidenti Aparatının rəhbəri Kirill Budanov hesab edir ki, müharibənin 2027-ci il yanvarın 1-dən əvvəl başa çatması möcüzə olardı, baxmayaraq ki, Ukrayna bunun üzərində işləyəcək.

SİA xəbər verir ki, o, Qərb mətbuatının yazdığına görə, ABŞ prezidenti Donald Tramp administrasiyasının müəyyən etmək istədiyi müharibənin başa çatması üçün yeni müddət barədə sualı belə cavablandırıb.

Budanovun jurnalistlərə şərhini “Kanal 24” yayımlayıb. Jurnalist aparat rəhbərindən Vaşinqtonun 2027-ci il yanvarın 1-dən əvvəl müharibəni bitirmək istədiyi Qərb mediası nəşrləri haqqında nə düşündüyünü soruşub.

Budanov qeyd edib ki, o, bunu istəməyən insanları tanımır, lakin belə bir müddətin mümkünlüyü bir çox amillərdən asılıdır.

...Amma kim istəməz? De görüm dünyada istəməyən insan varmı? Mən belə adam tanımıram. Bu realdırmı? Yaxşı, bir çox amillərdən asılıdır. Biz çalışacağıq ki, bu baş versin, baxmayaraq ki, bu, sadəcə bir möcüzə olacaq, - Budanov bildirib.

Müharibəyə son qoymaq üçün Birləşmiş Ştatların müəyyən etdiyi müddət haqqında nə məlumdur?

...ABŞ-ın 2027-ci il yanvarın əvvəlinə qədər Ukrayna ilə Rusiya arasında sülh razılaşması əldə etmək istəməsi barədə noyabrın 20-də “Financial Times” dörd mənbəyə istinadən məlumat yayıb.

“Financial Times”ın məlumatına görə, Vaşinqton Konqresdə qüvvələr balansının dəyişməsinə görə tələsir: aralıq seçkilərdə respublikaçılar hər iki palataya nəzarəti itiriblər.

Demokratlar çox güman ki, Kiyevə yardımı və Moskvaya sanksiya təzyiqlərini artıracaq.

Ağ Ev nəşrin sorğusuna cavab verməyib. Eyni zamanda, “Financial Times”in yazdığı kimi, Kreml tələsmir: Moskva Donbasdan, Ukraynanın NATO-dan imtina etməsini və Ukrayna Silahlı Qüvvələrinə məhdudiyyətlərin qoyulmasını tələb edir.

Nəşrin iki mənbəsi iddia edir ki, Rusiya öz mövqelərini möhkəmləndirmək üçün hava əməliyyatı planlaşdırır və çətin ki, tezliklə nizamlanmaya razı olsun.

Budanov danışıqlarda hansı rol oynayır?

Budanov 2026-cı il yanvarın 2-dən Prezident Aparatına rəhbərlik edir; bundan əvvəl o, Müdafiə Nazirliyinin Baş Kəşfiyyat İdarəsinə rəhbərlik edib.

Noyabrın 10-11-də o, Əbu-Dabidə keçirilən üçtərəfli danışıqlarda Ukrayna nümayəndə heyətinin tərkibində olub. Danışıqlarda iştirak edən Amerika nümayəndə heyətinə Cared Kuşner başçılıq edib və onun tərkibində xüsusi elçi Stiv Vitkoff da var. Raundun yekununda Kuşner ərazi məsələsini ən çətini adlandırıb.

Əli Babayev

Bütün xəbərlər Facebook səhifəmizdə