Almaniya mətbuatında yer alan xəbərlərə görə, Suriyadakı qeyri-müəyyən vəziyyətə görə Almaniyanın İmmiqrasiya və Qaçqınlar üzrə Federal İdarəsi (BAMF) suriyalıların hal-hazırda prosesdə olan bütün sığınacaq müraciətlərini dondurduğu və növbəti bildiriş gələnə qədər müraciətləri qəbul etməyəcəyi bildirilib.
SİA xarici qaynaqlara istinadən xəbər verir ki, qəbul edilən bu qərarın 46 mini ilk müraciət olmaqla, qərar gözləyən 47 min 270 sığınacaq müraciətinə təsir etdiyi ifadə edilib.
Almaniyadakı suriyalıların ölkədə qalıb-qalmaması ilə bağlı siyasi müzakirələr davam edir.
Almaniya Xristian Demokrat İttifaqından (CDU) bəzi siyasətçilər suriyalı qaçqınların ölkələrinə geri göndərilməsinin tərəfdarı olduqlarını bildirirlər.
Yaşıllar və Almaniya Sosial Demokrat Partiyasının (SPD) siyasətçiləri isə Suriyadakı qeyri-müəyyən vəziyyət qarşısında ehtiyatlı olmağa çağırır.
Bütün xəbərlər Facebook səhifəmizdə
.jpg)
USD
EUR
GBP
RUB
