...Qeyri-adi 1977-ci il istehsalı olan Lotus Esprit kupesi Monakoda hərraca çıxarılacaq.
O, xüsusi olaraq Ceyms Bond üçün sualtı qayığa çevrilib.
SİA xəbər verir ki, RM Sotheby's hərrac evinin məlumatına görə, Agent 007-nin Lotus Esprit sualtı qayığı hərəkət qabiliyyətinə malik olmasa da, 200.000-300.000 avro dəyərindədir.
1977-ci ildə çəkilmiş “Məni sevən casus” filmində xüsusi Lotus Esprit superkarı nümayiş etdirilib.
Filmdə Ceyms Bondun avtomobili torpedalar və raketlərlə təchiz olunmuş “Wet Nellie” sualtı qayığına çevrilib. Film üçün iki tam ölçülü avtomobil və daha yeddi maket hazırlanıb.
Bu Lotus Esprit mühərriki və ya təkərləri olmayan maketdir və buna görə də hərəkət qabiliyyətinə malik deyil.
Yeri gəlmişkən, Elon Maskın kolleksiyasında oxşar Lotus sualtı qayığı var.
Lotus Esprit sualtı qayığı şüşə lifdən hazırlanıb və içi boşdur. Onun saxta sükanları, pervaneleri, torpedo borusu və periskopu var.
Bu Ceyms Bond avtomobili 2007-ci ilə qədər İtaliyada şəxsi kolleksiyalarda saxlanılıb, sonra isə hazırkı sahibi tərəfindən alınıb, Finlandiyaya daşınıb və əyləncə parkında nümayiş etdirilib.
2025-ci ildə Ceyms Bondun Lotus Esprit sualtı qayığı bərpa olunub.
Nazlı Almuradova
Bütün xəbərlər Facebook səhifəmizdə
USD
EUR
GBP
RUB
