...OpenAI mətn və səs siqnallarına əsaslanaraq musiqi yarada bilən innovativ bir vasitə üzərində işləyir.
SİA-nın əldə etdiyi məlumata görə, bu barədə TechCrunch xəbər verir.
Mənbələrə görə, texnologiya istifadəçilərə mövcud videolara musiqi əlavə etməyə və ya, məsələn, əvvəlcədən yazılmış vokallar üçün gitara müşayiəti yaratmağa imkan verəcək. OpenAI-ın bu yeni xidməti nə vaxt istifadəyə verməyi planlaşdırdığı və onun müstəqil bir məhsul kimi təqdim ediləcəyi və ya ChatGPT sisteminə, eləcə də Sora video platformasına inteqrasiya ediləcəyi hələ məlum deyil.
Bir mənbə şirkətin Cuilliard Məktəbinin tələbələri ilə əməkdaşlıq etdiyini və modelin öyrədilməsi üçün istifadə edilən musiqi partituralarını qeyd etməyə kömək etdiyini aydınlaşdırdı.
OpenAI əvvəllər musiqi generasiyası ilə bağlı təcrübələr aparıb, lakin bu layihələr ChatGPT-nin inkişafından əvvələ təsadüf edir.
Bu yaxınlarda şirkət nitq sintezi və tanınması ilə əlaqəli audio modellərin hazırlanmasına diqqət yetirib.
OpenAI generativ texnologiyalarda liderdir, lakin Google və Suno kimi şirkətlərin rəqabəti ilə üzləşir, onlar da musiqi yaratmaq üçün öz modellərini fəal şəkildə inkişaf etdirirlər.
Əli Babayev
Bütün xəbərlər Facebook səhifəmizdə
USD
EUR
GBP
RUB