Halkidikidə keçirilən18 yaşadək yeniyetmələr arasında şahmat üzrə dünya çempionatında 7-ci turun görüşləri yekunlaşıb. Azərbaycan Şahmat Federasiyasının mətbuat xidmətindən SİA-ya verilən məlumata görə, 8 yaşadək oğlanların çempionatında mübarizə aparan təmsilçimiz Read Səmədov 7-ci turda Hindistan təmsilçisi Dey Şahillə xalları yarı bölüb və 5 xalla 10-cu pillədə qərarlaşıb.
Səmra Qasımova isə eyni yaşlı qızların yarışında 10-cu yerdədir.
10 yaşlı oğlanların mübarizəsində həmyerlilərimiz Aydın Süleymanlı və Xəzər Babazadə 5 xal toplayraq 24-26-cı yerdədillər.
Təmsilçimiz Ayan Allahverdiyeva eyni yaşadək qızların çempionatında 5.5 xal toplayaraq 6-cı pilləyə yüksəlib.
Məhəmməd Muradlı aktivinə 5.5 xal yazaraq 12 yaşadək oğlanlar arasında 5-ci, Əhməd Əhmədzadə isə 5 xalla 21-ci yerin sahibidir.
Eyni yaşadək qızların mübarizəsində həmyerlilərimizdən ən yaxşı nəticəni Gövhər Beydullayeva göstərib. O, liderlərdən yarım xal az toplayaraq 5.5 xalla 6-ci pillədədir.
18 yaşadək qızlar arasında Aytən Əmrayeva 4.5 xal toplayıb. Şahmatçımız 14-19-cu yerləri bölüşdürərək əlavə göstəricilərə görə 17-ci pillədədir.
Qeyd edək ki, çempionat İsveçrə sistemi ilə keçirilir və 11 turdan ibarətdir.
Bütün xəbərlər Facebook səhifəmizdə
USD
EUR
GBP
RUB