İstanbulun "Fənərbaxça" futbol klubu, əzəli rəqibi "Qalatasaray"lıları
əsəbləşdirəcək daha bir addım atıb. Siasport.az saytı xəbər verir ki,
mövsümü ikinci pillədə başa vuran və UEFA Çempionlar Liqasına qatılmaq
şansı əldə edən "sarı lacivərtlilər", icarə əsasında "Qalatasaray"da
forma geyən və "cim bom"un çempionluğunda əsas pay sahibi olan Felipo
Melonu, həmçinin serbiyalı Miloş Krasiç və Reto Zigleri transfer etmək
üçün "Yuventus"a rəsmi təklif göndərib. Siasport.az saytı xəbər verir
ki, İstanbul klubu xüsusi ilə F.Melonu transfer etməkdə çox israrlı
görünür. "Yuventus"in idman direktoru Guiseppe Marrotta isə, İtaliyanın
aparıcı idman nəşrlərindən olan "Tutto Sport"a açıqlamasında bildirib
ki, keçən həftə "Fənərbaxça"lı menecerlərlə bu transfer məsələsini
müzakirə edib. "Biz Krasiç və Zeglerdən daha çox Melo ilə onların şəxsən
razılığa gəlmələrinin vacib olduğunu diqqətə çatdırdıq. Çünki onun
"Qalatasaray"ı "Fənərbaxça"ya dəyişməsi çətin məsələdir"-deyə G.Marrotta
fikrini tamamlayıb
Bütün xəbərlər Facebook səhifəmizdə
USD
EUR
GBP
RUB