Dünən axşam doğma meydanda əzəli rəqibləri olan Madrid "Real"ına məğlub olan "Barselona"nın baş məşqçisi Xose Quardiola, rəqibi tərifləməkdən çəkinməyib. Siasport.az saytı xəbər verir ki, oyundan sonra keçirilən mətbuat konfransında "Real"ı qarşılaşmanın qəhrəmanı adlandıran "Barselona"nın baş məşqçisi bildirib ki, indi onlar üçün ən vacib qarşılaşma qarşıdakı həftədə "Çelsi" ilə oynayacaqları qarşılaşmadır:
"Biz oyuna yaxşı başladıq. Bu qədər azarkeş önündə daha yaxşı futbol göstərmək istəyirdik. Buna çalışarkən bir neçə səhvə yol verdik. Çoxlu sayda qol epizodlarımız oldu. Təəssüf ki, bundan yaralana bilmədik. Rəqibimiz çox güclü idi. Əslində onlar qapımız qarşısında o qədər də təhlükəli hücumlar yaratmadılar. Sadəcə olaraq biz oyunun nəzarətini əlimizdə saxlaya bilmədik.Hər komanda belə uğursuzluğa düçar ola bilər. Xavi, İniyesta və Aleksisin yaxşı oyun göstərdikləri qənaətindəyəm. Messi hər zamankı kimi öz futbolunu göstərdi. Bu matçı unutmaq istəyirik. Bir qədər istirahət edəcəyik. Bizim üçün indi daha vacib Çempionlar Liqasının yarımfinal mərhələsində "Çelsi" ilə cavab matçıdır. Məhz həmin oyunda "Real"a məğlubiyyətin komandaya necə təsir etdiyinin şahidi olacağıq".
Bütün xəbərlər Facebook səhifəmizdə
USD
EUR
GBP
RUB