.jpg)
“Məktəblərdə keçirilən bədən tərbiyəsi dərsləri uşaqların fiziki, psixoloji və sosial inkişafında mühüm rol oynayır. Bu dərslərin keyfiyyəti birbaşa olaraq şagirdlərin sağlamlığına, enerjisinə və gündəlik həyatdakı aktivliyinə təsir edir. Təəssüf ki, bəzən bədən tərbiyəsi dərsləri formallıq xatirinə keçirilir və nəticədə uşaqların hərəkət ehtiyacı ödənilmir, bu isə onların fiziki inkişafının geriləməsinə səbəb olur". Bu sözləri SİA-ya açıqlamasında baş məşqçi Arif Əsədov deyib.
.jpg)
Onun sözlərinə görə, keyfiyyətli bədən tərbiyəsi dərsləri uşaqlarda motor bacarıqların inkişafını təmin edir. Qaçmaq, tullanmaq, tarazlığı qorumaq, komanda şəklində işləmək kimi bacarıqlar yalnız idman vasitəsilə öyrənilə bilər: "Bundan əlavə, belə dərslər uşaqlarda əzələlərin möhkəmlənməsinə, ürək-damar sisteminin güclənməsinə, düzgün nəfəs alma texnikasının formalaşmasına və ümumi bədən quruluşunun inkişafına müsbət təsir göstərir. Bədən tərbiyəsi həm də uşaqların psixoloji sağlamlığına faydalıdır. Müntəzəm fiziki aktivlik stresin azalmasına, diqqət və yaddaşın yaxşılaşmasına, emosional balansın qorunmasına kömək edir. İdmanla məşğul olan uşaqlar özlərinə daha çox güvənirlər, məqsəd qoymaq və ona çatmaq kimi vacib həyat bacarıqlarını öyrənirlər. Bu, onların dərslərdə və gündəlik həyatda daha müsbət davranmalarına səbəb olur. Bundan başqa, bədən tərbiyəsi dərsləri uşaqlarda intizam və məsuliyyət hissini formalaşdırır. Onlar oyun qaydalarına riayət etməyi, rəqabət zamanı dürüst davranmağı və komanda ilə işləməyi öyrənirlər. Bu cür sosial bacarıqlar uşaqların gələcək həyatında da əhəmiyyətli rol oynayacaq.
Bu səbəbdən, məktəblərdə bədən tərbiyəsi dərslərinin peşəkar şəkildə, müasir metodlarla və şagirdlərin yaş xüsusiyyətlərinə uyğun şəkildə keçirilməsi olduqca vacibdir. Müasir idman avadanlıqları ilə təchiz olunmuş zal və açıq hava şəraitində aparılan məşğələlər şagirdlərdə idmana marağı artırır və onları aktiv həyat tərzinə təşviq edir. Unutmayaq ki, sağlam cəmiyyətin təməli məktəblərdə qoyulur və bu təməl mütləq şəkildə fiziki tərbiyə ilə dəstəklənməlidir".
Bütün xəbərlər Facebook səhifəmizdə
.jpg "Ukrayna niyə təkləndi?")
USD
EUR
GBP
RUB