UEFA Çempionlar Liqasında pley-off mərhələsinin cavab matçlarına start verilib. SİA xəbər verir ki, ilk oyun günündə 4 qarşılaşma keçirilib.
İtaliya təmsilçilərindən "Milan" və "Atalanta" turnirlə vidalaşıb. Bu komandalar, müvafiq olaraq, Niderlandın "Feyenoord" və Belçikanın "Brügge" klubları ilə duellərdən məğlub ayrılıb.
İlk matçda Şotlandiyada "Seltik"ə qalib gələn "Bavariya” Almaniyada rəqibi ilə 1:1 hesablı heç-heçə edərək, adını 1/8 finala yazdırıb.
Mərhələ adlayan digər komanda isə Portuqaliya "Benfika"sı olub. Lissabon təmsilçisi Fransada məğlub etdiyi "Monako" ilə doğma meydanda 3:3 hesablı bərabərliyə razılaşıb.
UEFA Çempionlar Liqası Pley-off mərhələsi, cavab oyunları:
18 fevral
21:45. "Milan" (İtaliya) – "Feyenoord" (Niderland) - 1:1
İlk oyun - 0:1
00:00. "Benfika" (Portuqaliya) – "Monako" (Fransa) - 3:3
İlk oyun - 1:0
00:00. "Atalanta" (İtaliya) – "Brügge" (Belçika) - 1:3
İlk oyun - 1:2
00:00. "Bavariya" (Almaniya) - Seltik" (Şotlandiya) - 1:1
İlk oyun - 2:1.
Qeyd edək ki, pley-off mərhələsinin digər 4 görüşü bu gün oynanılacaq.
Bütün xəbərlər Facebook səhifəmizdə
USD
EUR
GBP
RUB
