İspaniyanın “Real Madrid” komandasının baş məşqçisi Karlo Ançelotti açıqlamaları ilə gündəmə gəlib.
SİA AZƏRTAC-a istinadən xəbər verir ki, 65 yaşlı mütəxəssis qonaq olduğu televiziya proqramında ona ünvanlanan suallara maraqlı cavabları ilə diqqət çəkib
- Səhər yeməyində masanızın üzərində nələr olur?
- Səhərlər masamın üzərində kofe və yoqurt olur.
- Uşaq olarkən özünüzə kimi kumir hesab etmisiniz?
- İtaliyalı keçmiş futbolçu Sandro Mattsolanı.
- Televizorda futboldan başqa nəyə baxırsınız?
- Film və serial izləməyi sevirəm.
- Hansı filmi daha çox bəyənirsiniz?
- “Maral ovçusu” (“The Deer Hunter”) filmini.
- Yemək hazırlamağı sevirsiniz? Ən bəyəndiyiniz yemək növü hansıdır?
- Əlbəttə, yemək bişirməyi xoşlayıram. Ən sevdiyim yemək isə Karbonara souslu makarondur.
- Çempionlar Liqasınız qazansanız, kuboku qaldıracağınız “Sibelyes” meydanında mahnı ifa edəcəksiniz?
- Bəli, ya oxuyacağam, ya da oynayacağam.
- Tanış olmaq istədiyiniz tarixi şəxsiyyət varmı?
- Bəli. Bu, İtaliyanın milli qəhrəmanı Cüzeppe Qaribaldidir.
- Ən son nə vaxt ağlamısınız?
- Toni Kroosun “Real Madrid”lə vidalaşdığı gün.
- Hər zaman rəhbərliyiniz altında oynamağını istədiyiniz futbolçu kim olub?
- Françesko Totti.
- Hazırda futbol dünyasının ən yaxşı baş məşqçisi kimdir?
- “Mançester Siti”yə başçılıq edən Xosep Qvardiola.
Bütün xəbərlər Facebook səhifəmizdə
USD
EUR
GBP
RUB