Azərbaycan Prezidenti İlham Əliyev ABŞ-ın dövlət katibinin birinci müavini Ceyms Steynberqin başçılıq etdiyi nümayəndə heyətini qəbul edib. SİA-nın xəbərinə görə, əvvəlcə Azərbaycan Prezidenti İlham Əliyev ilə ABŞ dövlət katibinin birinci müavini Ceyms Steynberq arasında təkbətək görüş olub. Sonra görüş geniş tərkibdə davam etdirilib.
Ceyms Steynberq ABŞ-ın dövlət katibi xanım Hillari Klintonun salamlarını dövlətimizin başçısına çatdırıb.
Görüşdə Azərbaycan ilə ABŞ arasında ikitərəfli münasibətlərin müxtəlif istiqamətləri, enerji sahəsində əməkdaşlıq, Ermənistan-Azərbaycan, Dağlıq Qarabağ münaqişəsinin nizama salınması və regional məsələlər ətrafında fikir mübadiləsi aparılıb.
Dövlətimizin başçısı ABŞ-ın dövlət katibi xanım Hillari Klintonun salamlarına görə minnətdarlığını bildirib, onun da salamlarını Birləşmiş Ştatların dövlət katibinə çatdırmağı xahiş edib.
Bütün xəbərlər Facebook səhifəmizdə
USD
EUR
GBP
RUB