"Bu gün Azərbaycan dövləti cənab Prezident İlham Əliyevin rəhbərliyi ilə hərtərəfli inkişaf edir. Azərbaycan Baş Prokurorluğu Mərkəzi Seçki Komissiyası ilə yaxından əməkdaşlıq edir və şikayətlərə, müraciətlərə baxır". SİA-nın məlumatına görə, bunu bugün Mərkəzi Seçki Komissiyasında (MSK) keçirilən seminar-müşavirənin açılışında "Referendumda iştirak hüquqlarının qorunmasında prokurorluq orqanlarının rolu" mövzusunda çıxışı zamanı Baş prokurorun müavini Rüstəm Usubov deyib.
2008-ci ilin Prezident seçkilərində prokurorluğa heç bir müraciət daxil olmayıb. Bu gün müraciətlərə baxılmasında müsbət dinamik müşahidə olunur. Artıq 10-15 ilin dinamikası göz önündədir. İnanırıq ki, sentyabrın 26-da keçiriləcək Referendum da yüksək əhval-ruhiyyə şəraitində keçəcək. Amma təəssüf ki, bəzi ünsürlər seçki prosesinin keçirilməsinə mane olmaq istəyirlər. Onlar küçələrdə "seçkilərə yox" şüarı altında plakatlar paylayırlar. Amma bizlər hüquq-mühafizə orqanları, polis əməkdaşları ilə birlikdə mübarizə aparırıq. Çalışırıq ki, seçkilər ərəfəsində bu kimi neqativ hallara yol verilməsin".
Bütün xəbərlər Facebook səhifəmizdə
USD
EUR
GBP
RUB