"Neft Fondunda saxlanılan vəsait Azərbaycan xalqına məxsusdur. Neft Fondu gəlirlərindən dünyada yumşaq güc kimi istifadə etmək niyyətində deyil". SİA-nın məlimatına görə, bu fikirləri Azərbaycan Dövlət Neft Fondunun icraçı direktoru Şahmar Mövsümov Strateji Araşdırmalar Mərkəzinin təşkilatçılığı ilə Beynəlxalq Münasibətlər üzrə Alimlər Assosiyasiyasının 2-ci "Dəyişən Dünyada Cənubi Qafqaz" adlı forumda iştirakçıların suallarına cavab olaraq deyib.
Ş.Mövsümov bildirib ki, Neft Fondu gənclərin xarici universitetlərdə təhsil alması üçün təqaüdlər ayırır: "Azərbaycanın neft gəlirləri Azərbaycan gənclərinin xarici universitetlərdə təhsil almasına yardım edir. Gənclərdən yeganə tələb odur ki, məzun olduqdan sonra Azərbaycanda 5 il işləməlidirlər".
Çıxışı zamanı Şahmar Mövsümov Fonda toplanmış vəsaitlərin səmərəli idarə edilməsi və bu vəsaitlərdən ölkə qarşısındakı mühüm vəzifələrin həllinə yönəlmiş prioritet məsələlər və ölkəmizin sosial-iqtisadi tərəqqisi ilə əlaqədar mühüm ümummilli layihələrin maliyyələşdirilməsi barədə də tədbir iştirakçılarına məlumat verib.
Ş.Mövsümov qeyd edib ki, Azərbaycan neft gəlirlərinin idarə olunmasındakı təcrübəsini digər ölkələrlə bölüşməyə hazırdır.
Bütün xəbərlər Facebook səhifəmizdə
USD
EUR
GBP
RUB