"Cənab İlham Əliyev təkcə YAP-ın sədri deyil, o həm də Azərbaycan dövlətinin lideridir. İkinci Qarabağ müharibəsindən sonra Azərbaycanda İlham Əliyevin reytinqi çox yüksəkdir. YAP-ın genişləndirilmiş iclasında cənab İlham Əliyevin namizədliyi ona görə irəli sürüldü ki, yeni dünya nizamında cənab Prezident xalqın edimadını yenidən qazana bildi. Bu sözləri SİA-ya açıqlamasında politoloq Cümşüd Nuriyev deyib.
Politoloq bildirib ki, xalq ölkə başçısını sevir. Belə ki, hər qutunun yanında bir müxalif qüvvə dayanarsa belə, xalq yenə də İlham Əliyevə səs verəcək: "YAP-da kifayət qədər ziyalılar var və onları aktivləşdirmək lazımdır. Bu mənada bir növ cənab Prezident həm də YAP-ın gücünü yoxlayır. Çünki İlham Əliyev liderdir və bu cür liderlər öz xarizması ilə yanaşı, çalışırlar ki, xalqın onlara nə qədər güvəndiyini yoxlasınlar. Bütün hallarda YAP-ın idarə heyətinin qəbul etdiyi qərar ən düzgün qərardır. İnanıram ki, biz Yeni Azərbaycan Partiyası olaraq bu seçkiləri çox uğurla həyata keçirəcəyik. Sevindirici haldır ki, bizim partiya sədrinin alternativi yoxdur".
Bütün xəbərlər Facebook səhifəmizdə
USD
EUR
GBP
RUB