…Vyana Baytarlıq Tibb Universitetinin alimləri iti sahibinin göstərişlərinə əməl etməyə məcbur etməyin mükəmməl yolunu tapıblar. Məlum olub ki, itin diqqətini cəlb etməyin ən yaxşı yolu bir obyektə baxmaq və eyni zamanda ona işarə etməkdir.
SİA-nın məlumatına görə, staffordşir teryerləri və avstraliyalı çobanlar da daxil olmaqla müxtəlif cinslərdən olan 20 itə göz izləyiciləri olan xüsusi dəbilqələr quraşdırılıb.
Daha sonra onlardan birində yemək olan iki qab arasında seçim etmələri istənilib. İtlər müxtəlif siqnallara cavab veriblər: eksperimentator yalnız qabı göstərdikdə, yalnız ona baxıb və ya hər ikisini eyni anda edib.
Ən yaxşı nəticə eyni zamanda obyektə işarə etməklə və baxışları ona yönəltməklə əldə edilib.
…Baxış və jest öz-özünə faydalıdır, lakin birlikdə daha effektiv işləyirlər.
Bunu tədqiqatın aparıcı müəllifi Kristof Felter izah edib. Nəticələr göstərib ki, itlər insan jestlərini sadəcə istiqamət kimi deyil, mənalı siqnal kimi qəbul edirlər.
Lakin alimlər hələlik yekun nəticə çıxarmağa hazır deyillər. …Onlar başa düşürlər ki, biz onlara məlumat veririk, yoxsa sadəcə əmrləri yerinə yetirirlər?
Bunu deyən Felter əlavə edib ki, “bunu görmək lazımdır”.
Araşdırmanın növbəti mərhələsi itlərin hansı şəraitdə məlumatı daha yaxşı yadda saxladığını öyrənməkdir.
Nazlı Almuradova
Bütün xəbərlər Facebook səhifəmizdə
.jpg)
USD
EUR
GBP
RUB