Kanadanın Monreal şəhərində minlərlə tələbə yaşayış və təhsil xərclərinin artmasına etiraz olaraq nümayiş keçirib.
SİA xəbər verir ki, “CTV News” telekanalının məlumatına görə, aksiya tələbə həmkarlar ittifaqlarının birliyini müdafiə edən “CRUES” koalisiyasının təşkilatçılığı ilə baş tutub.
Bildirilib ki, Kanada universitetlərinin minlərlə tələbəsi cümə günü keçirilən nümayişə qatılıb. Fransadakı etirazlardan ilhamlanan tələbələr beş gün ərzində Monreal küçələrində aksiyalar təşkil ediblər.
Nümayişlər zamanı bəzi iştirakçılar Monreal Dünya Ticarət Mərkəzinin binasının şüşələrini sındırıblar.
Etirazçıların bir qisminin polis əməkdaşlarına daş atmasından sonra qarşıdurma yaranıb.
Hüquq-mühafizə orqanlarına hücum etməkdə şübhəli bilinən 3 nəfər saxlanılıb.
Bütün xəbərlər Facebook səhifəmizdə
USD
EUR
GBP
RUB