Soyuq qış aylarında bir çox insanlarda xüsusilə qadınlarda əllərin dərisi qurumağa və çatlamağa başlayır. Əvvəl belə çatlar yalnız estetik problem yaradır. Lakin vaxtında müalicə olunmadıqda bu çatlar dərinləşir, ağrılara hətta ekzemaya belə səbəb olur. Belə bir problem ilə üz-üzə gəlməmək üçün dəri daim nəm saxlanmalı və teksturası qorunmalıdır. SİA bu barədə Türkiyə mətbuatına istinad edir.
Əllərdəki çatlaqların xalq təbabəti üsulları ilə müalicəsi və tövsiyələr:
•Su
Dərinin nəmli qalması üçün gündə orta hesabla 2 litr su içilməlidir.
• Zeytun yağı
Zeytun yağı antioksidant xassələri və yağ turşuları sayəsində dərini dərindən nəmləndirirərək onun qurumasının qarşısını alır. Dərinin elastikliyini bərpa edir. Bu xüsusiyyətləri səbəbindən əlləri gündə iki dəfə 5 -10 dəqiqə ilıq zeytun yağı ilə masaj etmək yaxşı olar.
• Banan
Banan quru və kobud dəri üçün effektli nəmləndirici xüsusiyyətə malikdir. Bir-iki dilim banan çəngəllə əzilərək əllərə çəkilir. Yarım saat saxlayıb ilıq su ilə yuyulur. Sonda nəmləndirici krem çəkilir. İkinci üsul olaraq da banan püresinə bir az bal və zeytun yağı əlavə edib qarışdırdıqdan sonra əllərinizə çəkilir və 15-20 dəqiqə gözlədikdən sonra soyuq su ilə yuyulur.
• Limon şirəsi
Bir ədəd limon suyuna bir qaşıq bal və eyni miqdarda soda əlavə edilərək hazırlanan məhlul əllərə çəkilir. təxminən bir dəqiqə masaj edilir, 5 dəqiqə gözlədikdən sonra ilıq su ilə yuyulur. Bu üsul həftədə bir və ya iki dəfə tətbiq edilməlidir.
• Aloe vera (Əsl əzvay )
Aloe vera quru və qabıq vermiş dərini soyuğun təsirindən qorur. Təzə aloe vera yarpağı kəsilib və içindəki gel əllərə çəkilir. Bir neçə dəqiqə yüngülcə masaj edilir. 10-15 dəqiqə sonra ilıq su ilə yuyulur. Bu üsul gündə 1-2 dəfə təkrar edilir.
•Yulaf sıyığı
Yulaf sıyığı tərkibindəki protein ilə əlləri nəmləndirir və qurumasının qarşısını alar. Bunun üçün 2 xorək qaşığı yulaf yarım, və ya 1 çay qaşığı bal və bir az su ilə qarışdırılır. Xəmir yumuşaqlığında hazırlanan məlhəm əllərə çəkilir və 10 dəqiqə gözlədikdən sonra ilıq su ilə yuyulur.
• Əllərdəki çatların müalicəsində zeytun yağına alternativ olaraq kərə yağı istifadə etmək olar. Kərə yağı əllərə çəkildikdə həm dəri nəmlənir həm də çatları yox olar.
• Qəhvə torfları qabıqlaşdırıcı təsirə malik olduğundan əlləri yumşaldır.
• Çay ağacı efir yağı, şirin badam yağı, küncüt yağı, Kokos palması və ya hind qozu yağı isə müxtəlif səbəblərlə dəridə yaranan bütün çatların müalicəsində təsirlidir.
• Soyuqdan quruyan və çatlayan əllərin müalicəsində ev reseptlərindən bəziləri də belədir:
• Yumşaldıcı maska resepti
1 xörək qaşığı zeytun yağı, 1 xörək qaşığı limon suyu ilə qarışdırılaraq hazırlanır.
•Nəmləndirici maska resepti:
1 ədəd qaynadılıb əzilmiş kartof bir çimdik quru çobanyastığı bir çay qaşığı vazelin qarışdırılaraq hazırlanır
•Çatların qarşısını alan məhlul resepti
Üç xörək qaşığı qızılgül suyu, üç çay qaşığı badam yağı, iki çay qaşığı limon suyu bir qabda qarışdırılaraq hazırlanır.
Bütün xəbərlər Facebook səhifəmizdə
.jpg)
.jpg)
.jpg)
.jpg)
USD
EUR
GBP
RUB