Hipertoniya ürək-damar sisteminin ən çox yayılmış xəstəliklərindən biridir. Dünyada 30-60 yaş arası insanların 65%-i bu xəstəlikdən əziyyət çəkir. Həkim-terapevt və fitoterapevt Müşfiq Məmmədov SİA-ya verdiyi açıqlamasında hipertoniya xəstəliyi və onun xalq təbabəti yolu ilə müalicəsindən danışıb: "Hipertoniya əsasən, irsi xəstəlik hesab olunur. Lakin əsəb gərginliyi, pis vərdişlərə yoluxma, sağlıqsız yaşam tərzi də xəstəliyi yaradan risk faktorlarına daxildir. İnsanda arterial təzyiqin normadan yüksək həddə çatması hipertoniyaya gətirib çıxarır. Təzyiqin normaları isə individual xarakter daşıyır. Təsnifatına görə, hipertoniya birinci (sistolik təzyiq 120-139 arası, diastolik təzyiq isə 80-89 arası olur), ikinci (140-159 mm Hg arası sistolik təzyiq, 90-99 mm Hg arası diastolik təzyiq olur) və üçüncü (sistolik təzyiq 160 mm Hg və daha yüksək, diastolik təzyiq isə 100 mm Hg və daha çox olur) tiplərə ayrılır. Ağır hipertonik insanlarda bu, insult, infarkt kimi fəsadlar da verə bilir".
Hipertoniyanın müalicə metodları haqqında danışan həkim xəstəlikdən əziyyət çəkən insanlara yüksək kalorili qidalardan, oturaq həyat tərzindən uzaq durmağı məsləhət verib: "Təbabətdə hipertoniyanın geniş müalicə üsulları var. Maya sarmaşığı, dazıotu, zəyrək toxumu, yemişan bitkisinin meyvələrindən istifadə etməklə, xəstəliyin fəsadlarını yüngülləşdirmək mümkündür".
Kubra Bayramova
Bütün xəbərlər Facebook səhifəmizdə
USD
EUR
GBP
RUB