...Məşhur B6 vitamininin həddindən artıq istehlakı bədənə zəhərli təsir göstərə və sinir toxumasına ciddi ziyan vura bilər.
SİA xəbər verir ki, bu barədə Mirror qəzeti məşhur nevroloq Baibin Çenin xəbərdarlığına istinadən bildirib.
Həkim vurğulayıb ki, bir çox xəstə səhvən əczaçılıq əlavələrinin təbii mənşəyinə görə tamamilə zərərsiz olduğuna inanır.
Lakin, yağda həll olan A, D, E və K vitaminləri, eləcə də suda həll olan B və C vitaminləri də daxil olmaqla, bədəndə müəyyən maddələrin toplanması ciddi tibbi nəticələrə səbəb ola bilər.
Dr. Çen maddələr mübadiləsi və hemoglobin istehsalı üçün vacib olan B6 vitamininə (piridoksin) diqqət yetirib.
...Çoxları B6 vitamininin zəhərlənməyə səbəb ola biləcəyinə təəccüblənir. Təcrübəmdə dəfələrlə yüksək dozada B6-nın sinir siqnalının ötürülməsini pozduğunu və sensor neyronlara zərər verdiyini, sinir liflərinin degenerasiyasına səbəb olduğunu görmüşəm, - deyə nevroloq qeyd edib.
Mütəxəssisin sözlərinə görə, əsas risk tək bir böyük dozada deyil, müxtəlif əlavələrin “qatlanmasında”dır.
Həkimin xəstələrindən birində eyni vaxtda multivitaminlər, enerji içkiləri, sakitləşdiricilər və B6 tərkibli yuxu dərmanları qəbul etdikdən sonra neyropatiya inkişaf etmişdir.
Böyük Britaniya Milli Səhiyyə Xidməti (NHS) bu narahatlıqları təsdiqləyərək bildirir ki, gündəlik 200 mq və ya daha çox piridoksin qəbulu ətraflarda hissiyyat itkisinə səbəb olur ki, bu da periferik neyropatiya adlanır.
NHS mütəxəssisləri xəbərdarlıq edirlər ki, əlavələrin dayandırılmasından sonra qısamüddətli artıq qəbul yaxşılaşa bilsə də, uzunmüddətli yüksək dozalar geri dönməz zərər verə bilər.
Rəsmi tibbi tövsiyə, səhiyyə işçisi tərəfindən testlərə əsasən başqa cür təyin edilmədiyi təqdirdə, gündə 10 mq B6 vitaminindən çox olmamaqdır.
Nazlı Almuradova
Bütün xəbərlər Facebook səhifəmizdə
USD
EUR
GBP
RUB