...Kaliforniyanın Mərkəzi Dairəsi üzrə ABŞ Federal Məhkəməsi narkotik satıcısı Casvin Sanqaya hökm oxuyub.
O, aktyor Metyu Perrinin həddindən artıq dozada ölümünə görə 15 il həbs cəzası alıb.
SİA-nın əldə etdiyi məlumata görə, Sanqa, müştərilərinin çoxunun ona verdiyi ləqəb olan “ketamin kraliçası” kimi tanınır.
2025-ci ilin sentyabr ayında o, günahını etiraf etdi. Casvin Sanqa cənab Perriyə ölümünə səbəb olan dərmanı satdığını təsdiqləyib. Məhkəmə əvvəllər iş üzrə bir neçə digər təqsirləndirilən şəxsə hökm oxuyub - xüsusən də aktyora qanunsuz olaraq dərman verən həkim 2,5 il həbs cəzası alıb.
“Dostlar” serialındakı rolu ilə tanınan Metyu Perri 2023-cü ilin oktyabrında 54 yaşında vəfat edib.
Onun cəsədi Los-Ancelesdəki evindəki isti vannada tapılıb. Aktyor uzun illərdir alkoqol və narkotik asılılığından əziyyət çəkirdi.
Mütəxəssislər ölümün səbəbinin “kəskin ketamin təsiri” olduğunu müəyyən ediblər.
Əli Babayev
Bütün xəbərlər Facebook səhifəmizdə
USD
EUR
GBP
RUB
