YAP Laçın rayon təşkilatı təbliğat kampaniyası çərçivəsində ilk görüş keçirib - FOTOLAR

Sumqayıt şəhərində məskunlaşan laçınlı seçicilərlə 121 saylı Laçın Seçki dairəsindən Yeni Azərbaycan Partiyası tərəfindən namizədliyi irəli sürülmüş Abbaszadə Mahir Tapdıq oğlunin təbliğat–təşviqat kampaniyası çərçivəsində ilk görüşü keçirib. SİA-nın verdiyi məlumata görə, namizədlə görüşdə 260 nəfə seçici iştirak edib.

Görüşü giriş sözü ilə Yeni Azərbaycan Partiyasının Laçını rayon təşkilatının sədri İlqar İlyasov açıb.

Daha sonra deputatlığa namizəd Mahir Abbaszadə Milli Məclisin deputatı kimi ötən 4 illik fəaliyyəti və qarşıda duran vəzifələr haqqında seçiciləri məlumatlandırıb.

Görüşdə iştirak edən deputat Tahir Mirkişili və rayon ziyalıları Murad Hüseynov, Qəsənfər Abdullayev, Arzu Atakişiyeva, qarabağ müharibəsi əlili Murad Eyvazov, Mircavad Rəhimov, Günay Malikqızı, Vurğun İmranlı və başqaları parlament seçkilərində YAP-ın namizədinə səs verəcəklərini bildirib və namizədə uğurlar diləyiblər.

Bütün xəbərlər Facebook səhifəmizdə