Bu gün 2011-2012-ci dərs ilində Azərbaycanda orta məktəblərə müəllimlərin işə qəbulu üzrə ilk imtahan keçirilir. Təhsil Nazirliyinin strateji təhlil, planlaşdırma və kadrların idarə olunması şöbəsinin müdiri Fərzəli Qədirovun SİA-ya verdiyi xəbərə görə, ilk olaraq bu gün ibtidai sinif müəllimi işləmək istəyənlər imtahan verirlər. O bildirib ki, ibtidai sinif müəllimi işləmək üçün 110 vakant yerə 1834 müəllim elektron ərizə verib. F.Qədirovun sözlərinə görə, 100 vakant yerin 23-ü Bakı şəhərinin, 87-i isə respublikanın digər rayonlarının payına düşür: "Müəllimlərin işə qəbulu üçün imtahanlar tam olaraq avqustun 30-da başa çatacaq. Bu gündən iyulun 30-dək ibtidai sinif müəllimliyi üzrə qəbul imtahnaları təşkil olunur. İmtahanlar haqqında məlumatlar elektron ərizə verən hər bir müəllimin şəxsi kabinetinə göndərilib. İmtahanda hər bir namizəd kompyuter qarşısında əyləşərək 1 saat ərzində ona verilən sualları cavablandıracaq. İmtahanda namizədə 35 sual təqdim ediləcək. İmtahan bitən kimi namizəd öz cavabını öyrənəcək. Namizədin topladığı bal kompyuterdə göstəriləcək".
Şöbə müdiri qeyd edib ki, avqustun 1-dən 5-dək ingilis, avqustun 8-dən 11-dək Azərbaycan dili və ədəbiyyat, avqustun 12-də kimya, avqustun 15-16-da tarix, avqustun 17-18-də biologiya, avqustun 22-dən 24-dək riyaziyyat, avqustun 25-də informatika, avqustun 26-da coğrafiya, avqustun 29-da gənclərin çağırışaqədərki hazırlığı, əmək hazırlığı, musiqi və nəğmə, təsviri incəsənət, avqustun 30-da isə fiziki tərbiyə müəllimliyi ixtisasları üzrə imtahanlar keçiriləcək.
Bütün xəbərlər Facebook səhifəmizdə
USD
EUR
GBP
RUB