“Azərbaycan Xəzər Dəniz Gəmiçiliyi” (ASCO) QSC emissiyaların azaldılması istiqamətində innovativ texnologiyaların tətbiqini genişləndirir. SİA ASCO-ya istinadən xəbər verir ki, şirkət Ekoloji, Sosial, İdarəetmə (ESG) strategiyasına uyğun olaraq bu istiqamətdə daha bir mühüm addım ataraq, İsveç Krallığının “QTAGG” şirkəti ilə əməkdaşlıq çərçivəsində “EcoPilot” sisteminin tətbiqinə başlayıb.
Pilot layihə olaraq sözügedən sistem “RoPax” tipli “Azərbaycan” gəmi-bərəsində quraşdırılıb.
Gəmi-bərənin bu sistemlə həyata keçirdiyi ilk dəniz sınağı artıq uğurla başa çatıb. “EcoPilot”un tətbiqindən ümumi gözlənti isə ondan ibarətdir ki, gəmi hər səfərində yanacağa qənaət etməklə, emissiyaları təxminən 6 % miqdarında azaltsın.
Qeyd edək ki, “EcoPilot” texnologiyası küləyin istiqaməti və gücü, gəminin quruluşu, hava proqnozu və dəniz axınları kimi faktorlara uyğun olaraq, elektron sistem vasitəsilə gəminin optimal marşrutunu dəstəkləyir və onun sürətinin avtomatik tənzimlənməsinə imkan yaradır. Bu da yanacaq sərfiyyatını azaltmaqla, emissiyaların minumuma endirilməsinə töhfə verir.
Bütün xəbərlər Facebook səhifəmizdə
.jpg)
USD
EUR
GBP
RUB