Bu ilin yanvar-avqust aylarında Azərbaycandakı sənaye müəssisələri və bu sahədə fəaliyyət göstərən fərdi sahibkarlar 42,4 milyard manatlıq sənaye məhsulu istehsal edilib. SİA bu barədə Dövlət Statistika Komitəsinə istinadən xəbər verir.
Məlumata görə, ötən ilin eyni dövrü ilə müqayisədə neft-qaz sektorunda məhsul istehsalı eyni səviyyədə qalmış, qeyri neft-qaz sektorunda isə 7,8 % artıb.
Sənaye məhsulunun 64,4 %-i mədənçıxarma sektorunda, 29,9 %-i emal sektorunda, 4,8 %-i elektrik enerjisi, qaz və buxar istehsalı, bölüşdürülməsi və təchizatı sektorunda, 0,9 %-i isə su təchizatı, tullantıların təmizlənməsi və emalı sektorunda istehsal olunub.
Mədənçıxarma sektorunda əmtəəlik neft hasilatı 4,4 % azalıb, əmtəəlik qaz hasilatı isə 4,1 % artıb.
Emal sektorunda kompüter, elektron və optik məhsulların istehsalı 72,2 %, əczaçılıq məhsullarının istehsalı 69,4 %, elektrik avadanlıqlarının istehsalı 39,9 %, avtomobil, qoşqu və yarımqoşquların istehsalı 36,7 %, mebel istehsalı 31,9 %, metallurgiya sənayesi məhsullarının istehsalı 27,7 %, rezin və plastik kütlə məmulatlarının istehsalı 23,8 %, hazır metal məmulatlarının istehsalı 23,3 %, tikinti materiallarının istehsalı 23,0 %, içkilərin istehsalı 16,5 %, tütün məmulatlarının istehsalı 11,2 %, kimya sənayesi məhsullarının istehsalı 8,7 %, kağız və karton istehsalı 7,2 %, qida məhsullarının istehsalı 7,1 %, neft məhsullarının istehsalı 3,1 %, ağacın emalı və ağacdan məmulatların istehsalı 1,0 % artmış, geyim istehsalı 0,4 %, dəri və dəri məmulatlarının, ayaqqabıların istehsalı 8,0 %, sair sənaye məhsullarının istehsalı 8,3 %, toxuculuq sənayesi məhsullarının istehsalı 10,3 %, maşın və avadanlıqların quraşdırılması və təmiri işləri 14,4 %, poliqrafiya məhsullarının istehsalı 19,9 %, maşın və avadanlıqların istehsalı 29,6 %, sair nəqliyyat vasitələrinin istehsalı isə 52,6 % azalıb.
Elektrik enerjisi, qaz və buxar istehsalı, bölüşdürülməsi və təchizatı sektorunda istehsalın həcmi 0,1 %, su təchizatı, tullantıların təmizlənməsi və emalı sektorunda isə 8,8 % artıb.
Bütün xəbərlər Facebook səhifəmizdə
USD
EUR
GBP
RUB
