"İçərişəhər" Dövlət Tarix-Memarlıq Qoruğu İdarəsinin (DTMQİ) üzvü olduğu Ümumdünya İrs Şəhərləri Təşkilatı (OWHC) tərəfindən təşkil edilən “Kvebekə gedən yol” mövzusunda onlayn silsilə seminarın ilk görüşü keçirilib.
İdarədən SİA-ya bildirilib ki, “Mədəniyyət və Texnologiya” mövzusunda keçirilən ilk görüşdə “İçərişəhər” DTMQİ-nin İdarə Heyətinin üzvü Cavid Kazımov, Beynəlxalq əlaqələr şöbəsinin müdiri Elsevər Məmmədov və Bakı Xanları İqamətgahının Ekspozisiyası şöbəsinin müdiri Aygül İsmayılova, eləcə də OWHC təşkilatının rəhbərliyi, OWHC-yə üzv olan Krakov, Reqensburq, Varşava, Kvebek və digər şəhərlərin nümayəndələri iştirak ediblər.
Görüşdə əsasən COVID-19 böhranının mədəni irs sahəsinə, turizm sənayesinə təsiri və bu vəziyyətdən çıxış yolları və pandemiyanın bu sahəyə neqativ təsirlərinin azaldılması məsələləri OWHC-yə üzv şəhərlərin nümunəsində müzakirə edilib və təcrübə mübadiləsi aparılıb. Bundan başqa, innovativ texnologiyanın “Turizm”, “Mədəni İrs” və “Mədəniyyət” sahələrində tətbiqinin əhəmiyyəti vurğulanıb və üzləşə biləcəyimiz çətinliklərə toxunulub
Bütün xəbərlər Facebook səhifəmizdə
USD
EUR
GBP
RUB