Litvanın Vilnüs şəhərində Bakı Biznes Universitetinin (BBU) koordinatoru olduğu və Avropa Komissiyası tərəfindən maliyyələşdirilən “Azərbaycan universitetlərində keyfiyyət təminatı mərkəzlərinin yaradılması və inkişaf etdirilməsi” layihəsi çərçivəsində keçirilən növbəti təlimlərə ATMU nümayəndələri də qatılıblar.
SİA ATMU-dan verilən xəbərə görə, təlimlərə Litvanın Ali Təhsildə Keyfiyyət Təminatı Mərkəzində və Mykolas Romeris Universitetində start verilib. Tədbirin növbəti mərhələsinin isə Litvanın Sosial-Tətbiqi Elmlər Universitetində təşkili nəzərdə tutulub. Ali təhsildə keyfiyyət təminatı üzrə tanınan mütəxəssislər tərəfindən aparılan təlimlərdə Azərbaycanın 11 universitetindən 36 nümayəndənin olduğu bildirilir. “Azərbaycan universitetlərində keyfiyyət təminatı mərkazlərinin yaradılması və inkişaf etdirilməsi” layihəsi çərçivəsində öz işini uğurla davam etdirən təlimlərdə Azərbaycan Turizm və Menecment Universitetini ali təhsil müəssisəsində tədris işləri üzrə prorektor, p.e.d. İranə Əliyeva, layihənin ATMU üzrə meneceri i.ü.f.d. Flora Ələsgərova, “Keyfiyyət təminatı” bölməsinin rəhbəri Simnar Mamedov təmsil edirlər. Təlimlərin təşkilində başlıca məqsəd Azərbaycan universitetlərində keyfiyyət təminatı mərkəzlərinin yaradılması ilə yanaşı, iş prinsiplərinin beynəlxalq standartlara uyğunlaşdırılmasından ibarətdir.
Təlimlər noyabr ayının 11-dək davam edəcək.
.jpg)
Bütün xəbərlər Facebook səhifəmizdə
USD
EUR
GBP
RUB