Rusiya Federasiyasının Dövlət Mükafatı laureatı, Əməkdar İncəsənət Xadimi, məşhur xoreoqraf və rejissor Sergey İvanoviç Qrisay Azərbaycan Dövlət Gənc Tamaşaçılar Teatrının qonağıdır. Teatrdan SİA-ya verilən məlumata görə, o, U.Şekspirin "III Riçard" pyesi əsasında hazırlanan eyniadlı tamaşada döyüşlərin və rəqslərin qurulması üçün dəvət olunub. Hazırda tamaşa üzərində ciddi yaradıcılıq işləri aparılır.
Böyük İngilis dramaturqu U.Şekspirin anadan olmasının 450 illik yubileyi çərçivəsində hazırlanan tamaşanın quruluşçu rejissoru xalq artisti Cənnət Səlimova, quruluşçu rəssamı Rusiya Akademik Gənclər Teatrının baş rəssamı Stanislav Benediktov (Moskva), xoreoqrafı RF-nin Əməkdar İncəsənət Xadimi Sergey Qrisay (Sankt Peterburq), bəstəkarı Firudin Allahverdidir.
Azərbaycan Respublikası Mədəniyyət və Turizm Nazirliyinin sifarişi ilə hazırlanan tamaşada rolları xalq artistləri Yasin Qarayev, Ağaxan Salmanlı, əməkdar artistlər Gülər Nəbiyeva, Qəmər Məmmədova, Leyli Vəliyeva, Nəsibə Eldarova, Rahib Əliyev, Şövqi Hüseynov, Elşən Rüstəmov, Nofəl Vəliyev, Seyidşah Məmmədov, Vahid Əliyev, aktyorlar Mehriban Abdullayeva, İradə Rəşidova, Natiq Fərzəliyev, Kərəm Hadızadə, Elşən Çarhanlı, Elnur Kərimov, Elnur Hüseynov və başqaları ifa edəcəklər.
Qeyd edək ki, bu S. Qrisayın teatrımızla ikinci işbirliyidir. İki il öncə rusiyalı xoreoqraf Dövlət Gənc Tamaşaçılar Teatrında U.Şekspirin "Romeo və Cülyetta" tamaşasında döyüşlərin və rəqslərin quruluşunu verib.
Bütün xəbərlər Facebook səhifəmizdə
USD
EUR
GBP
RUB