Bu gün Nizami Kino Mərkəzində 3D formatda çəkilən "Cırtdan və Təpəgöz" cizgi filminin təqdimatı keçirilib. SİA-nın məlumatına görə, cizgi filmi Mədəniyyət və Turizm Nazirliyinin dəstəyi ilə "Üç dost" şirkətində gənc animatorlar Rəşad Əfəndiyev və Yusif Qabilov tərəfindən çəkilib.
Cəfər Cabbarlı adına "Azərbaycanfilm" kinostudiyasının direktoru Müşfiq Hətəmov bu günün müstəqillik qazandıqdan sonra tarixi bir gün olduğunu deyib: Azərbaycan tamaşaçılarının çoxdan bəri gözlədiyi gün artıq çatıb. Film nümayişləri hər həftə, təxminən mart ayına qədər davam edəcək. Bu gün də 3D formatda "Cırtdan və Təpəgöz" cizgi filmini nümayiş etdirdik. Cırtdan artıq Azərbaycan animasiyasına qayıtdı. Filmlərin təqdimatını hər hətfə olmaqla 39 rayonda nümayiş etdirməyi planlaşdırmışıq".
Filmin animatoru Rəşad Əfəndiyev : "Bizə inandıqlarına görə Mədəniyyət və Turizm Nazirliyinə və Müşfiq Hətəmova öz minnətdarlığımı bildirirəm. Mən inanıram ki, bu son olmayacaq və biz bunu serial şəkilində davam etdirəcəyik".
Filmin animatoru Yusif Qabilov: "Hesab edirəm ki, cizgi filmi uğurlu alınıb. Bi ilk işimiz olduğundan müəyyən nöqsanlar da oldu. Ümumiyyətlə işimizdən də, nazirliyin bizə verdiyi dəstəkdən də razıyıq".
"Cırtdan və Təpəgöz"ün ssenari müəllifi Yusif Şeyxov : "Maraqlı işdir. Folklor və milli xalq mahnıları əsasında müasir formatda cizgi filmlər bizə çox lazımdır. İstiqamət götürülüb və bunun ardı gözlənilir".
Qorxmaz Əlili : "Bu, Azərbaycanda bir ilkdir. Mən də bu cizgi filmdə Tutuquşu ilə Divin rolunu səsləndirdim. Bu artıq mənim səsləndirdiyim 3-cü cizgi filmidir. Cigi filmi səsləndirmək xüsusi bir sənətdir".
Rejissor Oqtay Mirqasımov: "Ekranda yaxşı əhval-ruhiyyə, maraq var idi. Fimlə baxarkən birdən ayıldım ki, bu uşaqlar üçündür, mən niyə belə maraqla baxıram? Bu iki gənc animator yeni söz deməyə çalışıblar və buna nail olublar".
Bütün xəbərlər Facebook səhifəmizdə
.jpg)
USD
EUR
GBP
RUB