Futbol üzrə Çempionlar Liqasında 1/8 final mərhələsinin cavab oyunları keçirilib. SİA-nın məlumatına görə, PSJ doğma meydanda ilk oyunda 2:0 hesabı ilə məğlub etdiyi "Mançester Yunayted"i qəbul edib. Qonaqlar sözügedən matçda 3:1 hesabı ilə qalib gəliblər. Ümumi hesab 3:3 olsa da, səfərdə vurulan qolla "Mançester Yunayted" 1/4 finala yüksəlib.
Digər qarşılaşmada isə "Roma" səfərdə ilk matçda 2:1 hesabı ilə qalib gəldiyi "Portu"nun qonağı olub. Oyunun əsas vaxtı meydan sahiblərinin 2:1 hesablı qələbəsiylə başa çatıb. Əlavə vaxta "Portu" daha bir qol vurub və 1/4 finala yüksəlib.
Çempionlar Liqası, 1/8 final mərhələsinin cavab oyunları
7 mart
"Portu" - "Roma" - 3:1
Qollar: Tikinyo, 26, Mussa Mareqa, 52, Aleks Telles, 117 (pen.) - Daniele de Rossi, 37 (pen.)
İlk oyun - 1:2
PSJ - "Mançester Yunayted" - 1:3
Qollar: Xuan Bernat, 12 - Romelu Lukaku, 2, 30, Markus Reşford, 90+4 (pen.)
İlk oyun - 2:0
Bütün xəbərlər Facebook səhifəmizdə
USD
EUR
GBP
RUB
