Hindistanın Matxura şəhərində bir qrup insanla hüquq-mühafizə orqanı əməkdaşları arasında güclü insident yaşanıb. SİA-nın RİA Novosti-yə istinadən verdiyi xəbərə görə, şəhərdə fəaliyyət göstərən dini icmanın 3 minə yaxın üzvü artıq üç ildir ki, parkın ərazisini ələ keçirib. Polis əməkdaşları məhkəmənin parkı boşaltmaq haqqında qərarı ilə işğalçıları parkdan çıxarmağa çalışıb. Lakin yayılan məlumata görə, qeyri-zorakı müqavimət konsepsiyasına xidmət edən "Satyaqhari" dini təriqətinin fəalları güclü hazırlığa malik olub.
Onlar əvvəlcə polisləri daşlamaqla kifayətlənib, daha sonra odlu silahdan istifadə etməyə başlayıblar. Vəziyyətdən asılı olaraq, hüquq-mühafizə orqanı əməkdaşları da silaha əl atıb. Nəticədə, 14 insan həlak olub, 40 nəfər isə yaralanıb. Ölənlərin ikisi, xəsarət alanların isə yarısı polislərdən olub.
Bütün xəbərlər Facebook səhifəmizdə
USD
EUR
GBP
RUB