"ABŞ əhalisinin böyük əksəriyyəti İranın nüvə proqramı üzrə "altılıq"ın apardığı danışıqların nəticəsini və əldə etdiyi razılaşmanı dəstəkləyir". SİA İTAR-TASS-a istinadən xəbər verir ki, "Röyter" agentliyinin "İpos" sosial sorğu xidmətinin nəticələri belə qənaətə gəlməyə əsas verir.
Sosioloqların bildirdiyinə görə, İranla baş tutan Cenevrə danışıqlarının nəticəsini 44% amerikalı dəstəkləyir. Razılaşmanı dəstəkləməyənlər isə 22% təşkil edir.
Razılaşmanın pozulması halında ABŞ-ın İrana qarşı sanksiyalarının artırılmasının tərəfdarları 49%, danışıqların davam etdirilməsini dəstəkləyənlər isə 31% olub.
Lakin əhalinin 20%-i belə olan halda İrana qarşı hərbi müdaxiləni mümkün saydıqlarını bildiriblər.
Sorğu mərkəzinin rəsmisi Culiya Klark qeyd edib ki, sorğuda 600 amerikalı iştirak edib.
USD
EUR
GBP
RUB
