...İsrailin baş naziri Benyamin Netanyahu ABŞ prezidenti Donald Trampla gözlənilən görüşdə İsrail əsgərlərinin işğal etdiyi Qəzza şəhərindəki vəziyyətə toxunacaq.
SİA-nın məlumatına görə, bu barədə İsrailin BMT-dəki səfiri Denni Danon Fox News telekanalına müsahibəsində bildirib.
Danon bildirib ki, Netanyahu sentyabrın 29-da keçiriləcək görüşdə Trampa regiondakı vəziyyətlə bağlı məlumat vermək niyyətindədir.
...Baş nazir Netanyahu ABŞ prezidentinə yerlərdə gördüyümüz işlər və təzyiqləri artırmaq niyyətimiz barədə məlumat verəcək, - Danon bildirib.
O əlavə edib ki, İsrail Qəzzada müharibəni davam etdirməkdə maraqlı deyil. Hakimiyyət ümid edir ki, işğal girovları azad edəcək və “sonra biz bu müharibəni bitirmək haqqında danışa bilərik”.
Bu həftə İsrail Qəzza şəhərini qurudan yeni işğala başlayıb. İsrail Müdafiə Qüvvələri bəyan edib ki, o, “Həmas infrastrukturunu sökmək və şəhərin dərinliklərinə doğru irəliləmək” istəyir. Rusiya Xarici İşlər Nazirliyi BMT Təhlükəsizlik Şurasının Qəzzada axan qanı dayandıra bilmədiyini bəyan edib.
Əli Babayev
Bütün xəbərlər Facebook səhifəmizdə
USD
EUR
GBP
RUB