...Krımın rəhbəri Sergey Aksyonov Rusiyanın miqrasiya siyasətinin sərtləşdirilməsi təşəbbüsü ilə çıxış edərək, xüsusən işləməyə gələn xarici vətəndaşlara ailələrini ölkəyə gətirmələrini qadağan etməyi təklif edib.
SİA-nın məlumatına görə, o, bu barədə özünün Telegram kanalında bildirib.
Aksyonov əmindir ki, miqrantların iş icazəsi əsasında Rusiya vətəndaşlığını əldə etmə imkanını ləğv etmək lazımdır. Gəldik, işlədik, sağ olun, əlvida, mövqeyini lakonik şəkildə formalaşdırıb.
Krım rəhbəri hesab edir ki, etnik cəhətdən ayrı-ayrı ərazilər yaratmaq cəhdləri qanunvericilik səviyyəsində qətiyyətlə yatırılmalıdır.
Qanunu pozan miqrantlar üçün isə yalnız bir yol var - Rusiyadan deportasiya,-deyə o vurğulayıb.
Aksyonov əlavə edib ki, o, Dövlət Dumasına baxılmaq üçün lazımi normativ aktların hazırlanması barədə göstəriş verib. O, vurğulayıb ki, miqrasiya qanunvericiliyinin sərtləşdirilməsi milliyyət və ya dinə görə ayrı-seçkiliyin təzahürü kimi yox, yalnız ölkənin milli təhlükəsizliyinin təmin edilməsinə yönəlmiş tədbir kimi qiymətləndirilməlidir.
Əli Babayev
Bütün xəbərlər Facebook səhifəmizdə
USD
EUR
GBP
RUB