Türkiyə Qızıl Aypara Cəmiyyəti Suriyanın paytaxtı Dəməşq və Quneytra əyalətindəki 1250 aztəminatlı ailəyə humanitar yardım göndərib.
SİA-nın türk saytlarından əldə etdiyi məlumata görə, Türkiyə Qızıl Aypara Cəmiyyəti Dəməşqin Küdseyya məhəlləsində yardım proqramı təşkil edib.
Türkiyə Qızıl Aypara Cəmiyyətinin Suriya Nümayəndəliyinin rəhbəri Ferhat Sürmeli yardım proqramı çərçivəsində ümumilikdə 1250 ərzaq bağlamasının paylandığını bildirib.
Yardımın bölgədəki yerli ehtiyacları qarşılamaq məqsədi daşıdığını ifadə edən F.Sürmeli Türkiyə Qızıl Aypara Cəmiyyətinin xüsusilə çətin vəziyyətdə olan ailələrə dəstək vermək üçün yardımlarını davam etdirəcəyini qeyd edib.
Bütün xəbərlər Facebook səhifəmizdə
USD
EUR
GBP
RUB