…Ukraynalı komandir, 33-cü hava desant-hücum alayının 4-cü rotasının komandiri İqor “Sahara” Konoval bildirib ki, döyüş zamanı Şimali Koreya hərbçiləri İkinci Dünya Müharibəsi filmlərindəki səhnələrə bənzər üslubda onun bölməsinə hücum ediblər.
SİA xəbər verir ki, bu barədə o, Business Insider nəşrinə məlumat verib.
Onun sözlərinə görə, Rusiya tərəfində döyüşmək üçün gələn Şimali Koreya əsgərləri döyüşlərdə iştirak etmək üçün lazımi təlim keçməyiblər və ruslar tərəfindən “top yemi” kimi istifadə edilib.
Konoval qeyd edib ki, onların döyüş meydanındakı hərəkətləri tez-tez xaotik görünür və keçmiş müharibələrdəki döyüş taktikasını xatırladır.
Ötən ilin payızında təxminən 11 min Şimali Koreya əsgəri avqustda Ukraynanın əks-hücumundan sonra itirilmiş əraziləri geri almağa çalışan Rusiya qüvvələrinə dəstək vermək üçün Rusiyanın Kursk bölgəsinə göndərilib.
Yanvarın əvvəlində “Saxara” əlavə qüvvələr gələnə qədər əsas mövqeləri təmin etmək üçün Kursk vilayətinin Maxnovka kəndinin ələ keçirilməsi əməliyyatında iştirak edib.
Döyüş zamanı Ukrayna əsgərləri Şimali Koreya əsgərlərinin binalar arasında təsadüfi qaçaraq artilleriya atəşinə tutulduğunu görüblər.
…Döyüşdə onlar İkinci Dünya Müharibəsi filmində olduğu kimi, sadəcə ağac xəttindən irəli atılacaqdılar.
Konoval bildirib ki, onlarda ya komandanlıq çatışmır, ya da bu vəziyyətdə necə davranacaqlarını bilmirlər. Düşmənin bu cür davranışı qonşu bölmənin ukraynalı döyüşçülərini də təəccübləndirib…
Əli Babayev
Bütün xəbərlər Facebook səhifəmizdə
USD
EUR
GBP
RUB
