Qəzzada ölənlərin sayı 45 min 936-ya yüksəlib

İsrailin qırğınları nəticəsində Qəzzada ölənlərin sayı 45 min 936-ya yüksəlib. SİA xarici KİV-ə istinadən xəbər verir ki, İsrailin Qəzza zolağına etdiyi hücumlarda son 24 saatda 51 fələstinlinin ölməsi nəticəsində ümumi can itkisi 45 min 936 nəfərə yüksəlib.

İsrailin Qəzza zolağına hücumları 460 gündür ki, davam edir. Fələstin Səhiyyə Nazirliyindən verilən açıqlamada İsrail qüvvələrinin son 24 saatda həyata keçirdiyi 6 hücumda 51 fələstinlinin həyatını itirdiyi, 78 fələstinlinin isə yaralandığı bildirilib. Hücumların başladığı 7 oktyabr 2023-cü ildən bu yana ümumi can itkisinin 45 min 936-ya, yaralıların sayının isə 109 min 274-ə yüksəldiyi bildirilib.

WhatsApp-da Səs Media Qrupu kanalını izləyin