...Çinli alimlər elektrikli nəqliyyat vasitələrinin çeşidini ikiqat artıra və son dərəcə aşağı temperaturda sabit işləməyi təmin edə bilən inqilabi litium batareya növünü təqdim etdilər.
SİA-nın əldə etdiyi məlumata görə, bu barədə Independent yazır.
Ənənəvi litium batareyaları maye həlledicidə litium duzlarının oksigenlə qarşılıqlı təsirinə əsaslanır.
Lakin, bu cür həlledicilər çox yer tutur, həddindən artıq soyuqda zəif işləyir və nəzəri maksimum həddi təxminən 350 Vt/kq-a çatıb.
Bu, istehsalçıları bərk vəziyyətdə olan batareyalara keçməyə məcbur edib. Yeni Çin batareyası otaq temperaturunda 700 Vt/kq-dan çox, -50°C-də isə təxminən 400 Vt/kq enerji istehsal edə bilir.
Bu nəticə litium duzlarını effektiv şəkildə həll edən və tələb olunan elektrolitin həcmini əhəmiyyətli dərəcədə azaldan flüorlu karbohidrogen həlledicisinin tətbiqi ilə mümkün olub. Nankai Universitetinin professoru Zhao Qing-in sözlərinə görə, bu irəliləyişin açarı flüorun litium ionlarına daha zəif cəlb olunmasıdır ki, bu da onların hərəkətini sürətləndirir və doldurma səmərəliliyini artırır.
Tədqiqat rəhbəri Çen Cun qeyd edib ki, hazırda 500 km məsafə qət edə bilən elektrikli nəqliyyat vasitələri yeni batareya ilə eyni ölçü və çəkini qoruyub saxlayaraq tək bir yükləmə ilə 1000 km-dən çox məsafə qət edə biləcəklər. Alimlər həmçinin yeni texnologiyanın yüksək hündürlükdə və həddindən artıq soyuq şəraitdə işləyən nəqliyyat və dronlarda tətbiq olunacağına inanırlar.
Əli Babayev
Bütün xəbərlər Facebook səhifəmizdə
.jpg "Makron Avropanı satdı - XƏYANƏT")
.jpg "ABŞ-dan İrana kritik danışıq təklifi - SON DƏQİQƏ")
.jpg "Rus əsgərləri Qovulu! - Nə Baş Verir?")
.jpg)
USD
EUR
GBP
RUB