"Real"ın futbolçusu Kriştiano Ronaldo nümunəvi addımı ilə diqqət çəkib. SİA-nın məlumatına görə, portuqaliyalı hücumçu Çempionlar Liqasında "Legiya" ilə (5:1) oyuna dəvət etdiyi hollandiyalı sabiq futbolçu, hazırda ağır xəstəlikdən əziyyət çəkən Fernando Riksenlə görüşüb. K.Ronaldo sözügedən matçda geyindiyi formanı ona hədiyyə edib. Madrid klubunun prezidenti Florentino Peres və Ronaldonun meneceri Jorje Mendeş də F.Riksenlə söhbət edib.
Qeyd edək ki, F. Riksendə 2013-cü ildə sağalmaz xəstəlik - amiotrofik skleroz aşkar edilib. O, ötən il Sankt-Peterburqda müalicə olunub.
Bütün xəbərlər Facebook səhifəmizdə
USD
EUR
GBP
RUB