Aprelin 4-5-də İstanbulda Vehbi Emrenin xatirəsinə həsr olunmuş güləş üzrə 33-cü beynəlxalq turnir keçiriləcək. SİA-nın məlumatına görə, Ahmet Cömert Spor Salonunda keçiriləcək turnirdə yunan-Roma güləşi üzrə yığma komandamız da iştirak edəcək.
Yarışda 8 pəhləvanımızın mübarizə aparacağı gözlənilir. Məşqçilər korpusu qarşıdan gələn I Avropa Oyunlarına hazırlıqları yoxlamaq məqsədilə bu dəfə Rövşən Bayramov, Orxan Əhmədov, Taleh Məmmədov, Murad Məmmədov, Elman Muxtarov (hamısı 59 kq), Rüstəm Əliyev (71 kq), Emin Əhmədov (80 kq), Şəhriyar Məmmədov (85 kq) və Saman Təhmasibiyə (98 kq) şans verəcək.
Görüşlərin idarə olunmasında ölkəmizi beynəlxalq dərəcəli hakim Elman İsmayılov təmsil edəcək.
Turnirin proqramına əsasən, aprelin 4-də 59, 71, 80 və 98 kq, aprelin 5-də isə 66, 75, 85 və 130 kq çəki dərəcələrində qaliblər müəyyənləşəcək. İlk görüşlər Bakı vaxtı ilə hər gün saat 15.00-da, final görüşləri isə saat 19:00-da başlayacaq.
Bütün xəbərlər Facebook səhifəmizdə
USD
EUR
GBP
RUB