"Bakı" futbol klubunun müdafiəçisi Deniss İvanovs və hücumçu Maris Verpakovskis Latviya komandasının Yunanıstan millisi ilə ev oyununda əsas heyətdə meydana çıxıb. Siasport.az saytının məlumatına görə, oyun 2:1 hesabı ilə qonaqların xeyrinə başa çatıb. Denis meydanda 90 dəqiqə keçirib, Maris isə oyuna 75-ci dəqiqədə daxil olub.
"Bakı"nın yarımmüdafiəçisi Deyvidas Çesnauskis Litva komandasının slovakiyalılara qarşı oyununda 67-ci dəqiqədə oyuna qoşulub. Qarşılaşma 1:1 hesabı ilə başa çatıb.
Gənclərdən ibarət Azərbaycan milli komandası U-21 AVRO-2013-ün seçmə mərhələsi çərçivəsində evdə futbolun yaradıcıları olan ingilisləri qəbul edib. "Bakı"nin müdafiəçisi Novruz Məmmədov qarşılaşmaya əsas heyətdə çıxıb və 81 dəqiqə meydanda olub. Oyun 2:0 hesabı ilə İngiltərə millisinin xeyrinə başa çatıb.
"Bakı" futbol klubunun müdafiəçisi İbrahim Karqbo Afrika Millətlər Kuboku çərçivəsində keçirilən Syerra-Leone-Tunis qarşılaşmasında iştirak edib. Tunisə qarşı oyununda İbrahim əvəzolunmadan 90 dəqiqə oynayıb. Oyun 2:2 hesabı ilə başa çatıb.
Bütün xəbərlər Facebook səhifəmizdə
USD
EUR
GBP
RUB